Само Бог простува

Декември, 2019 година. Едно понеделничко утро во Скопје е пронајдена убиена жртва во подрумот под градскиот трговски центар. Навидум обичното убиство со лихварска заднина бргу се покажува како покомплицирано, кога следната недела е пронајдена нова жртва, убиена под слични околности, без било какви поврзаности со претходниот случај. Одеднаш, полицискиот инспектор Виктор Николов со колегите од Одделот за крвни деликти е соочен со свиреп сериски убиец, кој од новинарската фела го добива прекарот Одмаздникот и кој зад себе не остава траги, освен мистериозната порака најдена на местата каде што напаѓа. Како што деновите одминуваат и годината полека кулминира со новогодишната ноќ, така растата и професионалниот и личен влог за главниот инспектор, кој освен што е принуден да ја следи трагата на убиецот низ разни делови од земјата, соочен е и со можноста да се смири со поранешната сопруга…