Една книга

Главниот лик Том патува низ познати и непознати светови во измешана реалност и фантазија. Притоа разговара со повеќе интергалактички суштества меѓу кои се и Разговорите со Големиот Архитект.

Филозофската, но истовремено забавна книга на Валентин Нешовски: „Една книга“ претставува реализација на она што се очекува од писателите – реакција на сè што го донел новиот свет, размислување за вештачката интелигенција, космосот, човековото место во сето тоа.
Но, во ова дело големите прашања се обработени преку динамична, забавна приказна, во која јунаците се и не се херои, приказната започнува, па закочува, стари зборови и поими се мешаат со нови и сè заедно, хаотично и урнебесно, носи прашање како да се опстане, што е вистина, а што привид. Во крајна линија, можеби е токму така и во животот…