First published:
2023
ISBN: 978-608-243-652-4
Pages: 160
Format: 13×20
Cover: Paperback
Language: Macedonian
Translations:
Genre: Fiction, novel
Synopsis
„Вечно сегашно време“ е роман анатомија-на-една-љубовна-врска раскажан со опсесивна насоченост кон многубројните емотивни нијанси и варијации што ја сочинуваат. Во романот не постои ништо што се случува надвор од врската која двајцата млади љубовници, Ангела и Виктор, опсесивно ја градат. Следејќи ја формулата на Вилијам Блејк, според кој „патот на претерувањето води во замокот на мудроста“, авторот раскажува приказна исполнета со емотивни крајности и љубовни претерувања, еден вид тотална љубовна приказна. Ова е роман за радикалната релација што ја создава младешката љубов заснована врз убедувањето дека љубовта барем еднаш мора да биде интензивна, севкупна и… фатална.
Reviews
Самиот наслов го определува романот како спацијален, како приказна на која не ѝ е важно да се одвива во временски след, туку го занемарува времето, а трага по вечното, односно по сегашниот миг во просторот. Приказната се заплеткува според механизмот на играта, односно алеаторички, според „неговото височество – случајот“. (…) Иако претставува една интимна архива на локациите на градот Скопје (…) овој роман е и еден специфичен книжевен споменик за еден период од постоењето на градот…
Соња Стојменска-Елзесер
Инаку целиот роман „Вечно сегашно време“ е заснован на принципот на играта, игра која ја играат момчето и девојката запознавајќи се себеси преку својот град. Низ безбројните загатки и задачи кои си ги задаваат меѓусебно, тие се изненадуваат еден со друг, но и читателот. (…) Единственото нешто што ви е потребно кога ќе ја земете оваа книга в раце е желбата за игра.
Aleksandra Jurukovska
