Биографија
Елизабета Баковска (Битола, 1969). Дипломирала и магистрирала на Филолошкиот факултет „Блаже Конески“ во Скопје, на катедрата за англиски јазик и книжевност. Докторирала на тема од областа родови студии на Институтот Евро-Балкан. Била главен уредник на електронското списание за култура и литература Блесок (www.blesok.mk). Преведува, пишува поезија, проза и книжевна теорија и критика. Нејзина поезија, проза и критички текстови се преведени и објавени на повеќе јазици.
Список на објавени дела (библиографија):
- Житие на нашата љубов, поезија (Маседониа Прима, 2003)
- Четири годишни времиња: раскази за суштински нешта, раскази (Блесок, 2004)
- Состојби на духот и телото по триесеттата, поезија (Блесок, 2005)
- На пат кон Дамаск, роман (Слово, 2006)
- Варварите сè уште пишуваат поезија, поезија (самостојно издание, 2015)
- Сопствена соба, сопствено гето: женското писмо во современата македонска проза, книжевна теорија/критика (самостојно издание, 2016); (второ издание, 2023)
- Тринаесет осврти за книжевни и слични дела, книжевна критика (Блесок, 2018)
- Последните голтки: раскази за суштински нешта, вторпат, раскази (самостојно издание, 2018)
- Основоположниците на современата македонска уметност: детска енциклопедија (Ефектива, 2019)
- Во главата слушам песна, раскази (Или-или, 2020)
- Мајката и инаквиоте приказни, раскази за деца (самостојно издание, 2020)
- Во главата пишувам расказ, кратки раскази/фотокнига (самостојно издание, 2021)
- Бакнежот на пролетта, бајка за деца (Арс ламина – публикации, Либи, 2022)
- Сите болки станаа мои, поезија (самостојно издание, 2022)
- Автобиографија на читањето и други размисли за културата, книжевна критика и есеи (самостојно издание, 2023)
Добиени награди:
- Прва награда на конкурсот за краток расказ на „Нова Македонија“ (2010 година)
- Прва награда на конкурсот за расказ „Скопје и катастрофалниот земјотрес од 1963та“ (2016 година)
- Една од четирите награди на конкурсот „Современи бајки од Македонија“ на Движењето за креативност Иво Лауренчиќ – „Браво сине!“ и издавачката куќа „Арс Ламина“ (2020 година)
- Награда „Антев златник“ за необјавен поетски ракопис на Меѓународната поетскo-културна манифестација „Анте Поповски – Антево Перо“ (2021 година)
- Најкреативно издание за 2022 на Македонската асоцијација на издавачи, за книгата Во главата пишувам расказ
