Македонските автори гордо и успешно се пробиваат на регионалната литературна сцена па така имаме четворица македонски автори со превод на бугарски јазик. Вистинска гордост за македонската книжевна сцена и успешеен чекор во нашата мисија со writers.mk.
Македонската литература продолжува да ги преминува границите, со четири значајни романи кои го добија својот превод.
„Сфинга на гневот“ од Жарко Кујунџиски, „Тегли“ од Јордан Коцевски, „Невидливи љубови“ од Владимир Јанковски и „Виенски гамбит“ од Анде Д. Јанков го најдоа својот пат до бугарските читатели благодарение на преводите и соработката со издавачката куќа „Персеј“.
Овие изданија не само што сведочат за квалитетот на македонските автори туку и ја зголемуваат нивната препознатливост на меѓународната сцена. Литературата и културата добиваат нова димензија преку овие значајни книжевни размени.
